內容簡介
武田武彥是二次世界大戰前出世tī台灣嘉義ê「灣生」，小學畢業了後進入台北高等學校尋常科，逃過大戰ê生死關，tńg去日本，成做英美文學ê教授，kah 英語老師幸子有婚約。M̄ koh，伊tī美國留學ê期間，一場誤會ê機緣來熟似Andrea，兩人情迷之下發生關係，結果意外有娠。
一時ê衝動，擾亂兩人ê關係，牽挽三人ê人生，含蓋三代人ê性命纏絞，行過東亞百年ê歷史，記錄日本、台灣、美國ê時代影跡kah政治現實。武田武彥kā伊對日本民間宗教到接受基督教洗禮，一世人接觸文學、音樂、歷史、宗教、政治、哲學ê人生，化作三本日記ê袒露告白，交hō͘ chit 位意外ê kiáⁿ Arturo。
一位超過80歲ê父親，頭一pái見tio̍h kiáⁿ ê 心情。一位男性經過不倫ê迷失、虧欠kah懺悔，想beh求佛解脫，最後透過基督教洗禮，走chhōe 救贖解脫ê心路歷程。這是一本融合真實歷史ê小說，mā是一本特出ê基督教作品。
作者介紹
作者簡介
David Lu 盧焜熙
盧焜熙博士1928年出世tī hit時iáu是日本領土ê台灣，二戰前進入台北高校尋常科kah高等科，戰後chiah轉學到中華民國政府下ê台灣大學。Chit部小說ê主角是用伊一陣七、八名經驗豐富ê同學做藍本，m̄ koh in 中間無人有私生子。關係beh選擇歸依佛教á是基督教ê問題，tī戰後，chit陣同學有提供真chē提示。
1950年留學美國了後，伊進入Westminster神學院，後來koh去讀Columbia 大學，1960年得tio̍h 政治學博士學位。仝hit年，伊得tio̍h 美國公民身分，koh有兩pái競選眾議院議員。伊目前是Bucknell大學歷史學kah日本學ê名譽教授。
伊ê日文著作有《アメリカ自由と変革の軌跡：建國からオバマ大統領まで》（美國ê自由kah轉型ê軌跡：Tùi建國到奧巴馬總統；日經出版社，2009）、《松岡洋右とその時代》（松岡洋右kah伊ê時代；長谷川進一譯，TBS ブリタニカ，1981）、《パイオニアの築いた偉大な社会：アメリカ史話》（先驅者建立ê偉大社會：美國歷史；善本社，1976年）、《太平洋戦争への道程》（太平洋戰爭之路；田島周子譯，原書房，1967年）以及真chē其它用英語紹介日本ê著作。
譯者簡介
Lîm Chùn Io̍ k 林俊育
1945年tī南投縣國姓鄉北山村出世。任職台北市雙連教會執事、長老（1980~2000）期間推動關懷盲人事工；擔任過台灣公論報台語文專刊「蕃薯園」編輯，中山醫學大學台語系台語電腦資訊支援教師，參與中央研究院語言學研究所「閩客語典藏」計畫翻譯《台日大辭典》上網台語信望愛網站，主導催生信望愛台語客語輸入法FHL TaigiIME。目前擔任台語信望愛（taigi.fhl.net）、客語信望愛（hakka.fhl.net）、思羅安信望愛（sloan.fhl.net, 台語點字）網站管理員；現任「全民台語聖經協會」祕書長。
華語著作有《讓音樂點燃生命》；華語譯作有《生命在我手指尖》、《超越雙重黑夜》、《白袍．白杖》、《用心，走在世界頂峰》、《新世紀之聲—安德烈・波伽利》；台語文譯作有《陳夫人》、《主ê祈禱文》、《Kui年kah Jimmy Carter 做伙靈修》kah《Billy Graham kah 我/ 與我》。
目錄
第一章 彌勒佛ê微笑
第二章 三角關係
第三章 長谷寺ê少女
第四章 苦惱kah求道
第五章 南國失落ê身影
第六章 《緋文字》kah倫理學
第七章 上帝ê羊羔
結 語 Kah 天堂對話
附錄
1, 登場ê人物kah舞台ê地點
2, 日文人名kah地名讀音對照表
3, 英文人名kah地名對照表
台語版出版ê 話
版權頁
